31.12.2015

საახალწლო ზეიმი პირველი მაისის საბავშვო ბაღში

31 დეკემბერს ქ. ხობის პირველი მაისის საბავშვო ბაღში საახალწლო-საზეიმო ღონისძიებები გაიმართა. ბაღის აღსაზრდელები ორიგინალური სცენარით წარსდგნენ დამსწრეთა წინაშე. წარმოადგინეს საინტერესო და სახალისო სანახაობა და განასახიერეს ზღაპრის გმირები. ფიფქიებმა და თოვლის ბაბუებმა კიდევ უფრო შთამბეჭდავი გახადეს ზეიმი.
ღონისძიებას ხობის მუნიციპალიტეტის გამგებელი გოჩა ქაჯაია, ხობის მუნიციპალიტეტის საკრებულოს ფრაქცია „ქართული ოცნება-რესპუბლიკელების“ თავმჯდომარე მალხაზ ლაგვილავა და გამგებლის წარმომადგენელი პირველი მაისის ადმინისტრაციულ ერთეულში მარინე ლაგვილავა ესწრებოდნენ.






17.12.2015

არქეოლოგიური სამუშაოები მაჩხომერში



17 დეკემბერს ხობის მუნიციპალიტეტის პირველი მაისის ადმინისტრაციულ  ერთეულში  არქეოლოგი რევაზ პაპუაშვილი და  ხობის მუნიციპალიტეტის გამგეობის მთავარი სპეციალისტი ძეგლთა დაცვის საკითხებში გოგიტა ჩიტაია იმყოფებოდნენ. მაჩხომერის უბანში  არსებულ მთაზე  განხორციელდა  დაზვერვითი სამუშაოები, რის შედეგადაც აღმოჩნდა  ნაგებობა, გალავნის კოშკის ნაშთები,  რომელიც  სავარაუდოდ შეიძლება იყოს ადრექრისტიანული პერიოდის ნაშთები, კერძოდ  ნაეკლესიარი. 
    როგორც არქეოლოგი რევაზ პაპუაშვილი საუბარში აღნიშნავს „გალავანი და შიგ არსებული შენობა-ნაგებობები  აშენებულია მეექვსე-მეშვიდე საუკუნეებში. ამაზე მეტყველებს ის სამშენებლო კერამიკა, რომელიც თავისებური ფორმით ხასიათდებიან“.
   კვლევები ხორციელდება  ხობის მუნიციპალიტეტის გამგეობის დაფინანსებით.