20.11.2017

მეოთხე მოწვევის საკრებულოს პირველი სხდომა გაიმართა

20 ნოემბერს, ხობის მუნიციპალიტეტის საკრებულოს სხდომათა დარბაზში,  მეოთხე მოწვევის საკრებულოს პირველი სხდომა გაიმართა. სხდომას ხობის მუნიციპალიტეტის მერი გოჩა ქაჯაია ესწრებოდა.
ახლადარჩეული საკრებულოს პირველი სხდომა  №66 ხობის საოლქო საარჩევნო კომისიის თავმჯდომარემ გახსნა. 
დათუნა ჯობავამ საკრებულოს წევრებს სიტყვით მიმართა, ადგილობრივი თვითმმართველობის არჩევნები შეაჯამა და 2017 წლის 21 ოქტომბრის არჩევნების ოქმი წარადგინა.
სხდომას საკრებულოს უხუცესი წევრი, ვლადიმერ ქანთარია უძღვებოდა.

სხდომაზეუმრავლესობის წარდგინებით, საკრებულოს თავმჯდომარის პოსტზე ედიშერ ჯობავას კანდიდატურა დასახელდა, რის შემდეგაც ფარული კენჭისყრით, მეოთხე მოწვევის საკრებულოს თავმჯდომარედ ედიშერ ჯობავა იქნა არჩეული.
საკრებულოს ახლად არჩეულმა თავმჯდომარემ  მოადგილის თანამდებობაზე მამუკა ქარდავას კანდიდატურა დაასახელა.
საკრებულოს წევრებმა, ფარული კენჭისყრით, საკრებულოს თავმჯდომარის მოადგილედ,ხმათა უმრავლესობით მამუკა ქარდავა აირჩიეს.

18.11.2017

გენადი კვიკვინია მსოფლიო თასის გამარჯვებულია

18-19 ნოემბერს პოლონეთში გამართულ „ზლოტ ტურის“ მსოფლიო თასის გათამაშებაში შესანიშნავად იასპარეზა ხობელმა (პირველმაისელმა) მკლავჭიდელმა გენადი კვიკვინიამ, რომელმაც ფინალურ შეხვედრაში ამერიკელი ტიმ  ბრესნანი 4-2 დაამარცხა და  ჩემპიონის ტიტულს დაეუფლა.













16.11.2017

გზის სარეაბილიტაციო სამუშაოები საჩოკორაიოს უბანში

ხობის მუნიციპალიტეტის პირველი მაისის ადმინისტრაციული ერთეულის საჩოკორაიოს უბანში, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით, გზის რეაბილიტაცია მიმდინარეობს. მიმდინარე სამუშაო ხობის მუნიციპალიტეტის მერმა გოჩა ქაჯაიამ და მერიის ინფრასტრუქტურის, ურბანული განვითარებისა და არქიტექტურის სამსახურის უფროსმა ზაზა ბუკიამ  დაათვალიერეს. 
პროექტის შესაბამისად, 2200 მეტრ მანძილზე დაიგება ცემენტ-ბეტონის საფარი, მოეწყობა  ეზოებში შესასვლელები და მილ-ხიდები. დღეის მდგომარეობით შესრულებულია სამუშაოს 65 პროცენტი.
ინფრასტრუქტურულ პროექტს, რომლის ღირებულებაც 560000 ლარია, ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს. სამუშაოზე დასაქმებულია 20 მუშახელი.
პარალელურად - ყულევის, საგვიჩიოს, პატარა ფოთის და ხამისკურის ადმინისტრაციულ ერთეულებში საგზაო ინფრასტრუქტურის კეთილმოწყობა მიმდინარეობს. ზემოთაღნიშნული გზების რეაბილიტაციაზე 11 მილიონ ლარამდე დაიხარჯება და ჯამურად, 24 კილომეტრ მანძილზე დაიგება ასფალტის (ბეტონის) საფარი. 

28.09.2017

პირველ მაისში გზის რეაბილიტაცია მიმდინარეობს


ხობის მუნიციპალიტეტის პირველი მაისის ადმინისტრაციული ერთეულის საჩოკორაიოს უბანში, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით, გზის რეაბილიტაცია მიმდინარეობს. მიმდინარე სამუშაო ხობის მუნიციპალიტეტის გამგებელმა გოჩა ქაჯაიამ და გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსმა ზაზა ბუკიამ დაათვალიერეს. პროექტის შესაბამისად, 2200 მეტრ მანძილზე დაიგება ცემენტ-ბეტონის საფარი, მოეწყობა ეზოებში შესასვლელები და მილ-ხიდები. ინფრასტრუქტურულ პროექტს, რომლის ღირებულებაც 560000 ლარია, ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს. სამუშაოზე დასაქმებულია 20 მუშახელი.

13.06.2017

პირველ მაისში გზის კეთილმოწყობის პროექტის განხორციელება დაიწყო

ხობის მუნიციპალიტეტის პირველი მაისის ადმინისტრაციული ერთეულის საჩოკორაიოს უბანში გზის კეთილმოწყობის პროექტის განხორციელება დაიწყო.  მიმდინარე სამუშაო ხობის მუნიციპალიტეტის გამგებელმა გოჩა ქაჯაიამ, გამგებლის პირველმა მოადგილემ ვარაზ გაბედავამ და გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსმა ზაზა ბუკიამ დაათვალიერეს.
საჩოკორაიოს უბანში არსებული გზა ამორტიზებული იყო და მოსახლეობას გადაადგილებისას პრობლემას უქმნიდა. პროექტის შესაბამისად 2000 მეტრ მანძილზე დაიგება ცემენტ-ბეტონის საფარი, მოეწყობა  შესასვლელები და მილ-ხიდები. 

ინფრასტრუქტურული პროექტი საქართველოს რეგიონებში განსახორციელებელი პროექტების ფონდისა  და ხობის მუნიციპალიტეტის თანადაფინანსებით   ხორციელდება და მისი სახელშეკრულებო  ღირებულება  560 000  ლარს შეადგენს.

28.05.2017

ხობში, ხატი „დედოფალი" ჩამოაბრძანეს

28 მაისი, პირველი მაისის  ყოვლადწმინდის ქალწულ მარიამის ტაძრად მიყვანების, წმიდისა დიდისა მოწამისა გიორგისა და წმიდისა მღვდელმთავრისა და საკვირველმოქმედისა ნიკოლოზის სახელობის ტაძრის კურთხევის დღეა. ამ დღესთან დაკავშირებით, ტაძრის წინამძღვარმა, მღვდელმა იაკობ სურმავამ საზეიმო წირვა აღავლინა. ღვთისმსახურებას საქართველოს  პარლამენტის წევრი  ირაკლი (დაჩი) ბერაია, ხობის მუნიციპალიტეტის გამგებელი გოჩა ქაჯაია და საკრებულოს თავმჯდომარე ედიშერ ჯობავა ესწრებოდნენ.
  მეორე დღეა, პირველი მაისის სამონასტრო კომპლექსში ყოვლადწმინდა ღვთისმშობლის ხატი - „დედოფალია" დაბრძანებული. ეს არის ხატი, რომელიც აბსოლუტური ანალოგია ათონის მთაზე, ივერონის მონასტერში¬ დავანე¬ბული დედა ხატის - ივერიის ყოვლადწმინდა ღვთისმშობლისა, რომელსაც პორტაიტისა (კარიბჭისა) ეწოდება. ხატმა სახელი თავად დაირქვა - "დედოფალი" - ათონის წმინდა მთაზე მოგზაურობისას მომლოცველები და ათონელი ბერები მას ხვდებოდნენ  შეძახილით: "დედოფალი მობრძანდება!". საქართველოს პატრიარქმა მას «სიხარულის მომნიჭებელი» უწოდა. ხატის ჩაბრძანების ორგანიზატორი - სამონასტრო კომპლექსის ქტიტორი, გოდერძი ბუკიაა. 

23.05.2017

ხობში - პირველმაისში საჭადრაკო კონკურსი ჩატარდა (ვიდეო)

17 მაისს პედაგოგ დალი თევზაძის სადამრიგებლო მესამე კლასში დავგეგმეთ საჭადრაკო ამოცანების კონკურსი სახელწოდებით - ,,დაფიქრდი და გააკეთე სწორი სვლა"...
გვეწვივნენ საპატიო სტუმრები სამეგრელო-ზემო სვანეთის რეგიონის ჭადრაკის ფედერაციიდან - ბატონები - გერმანე სალია და დათო კოდუა... მათ გამარჯვებულისთვის თასი და საპრიზო სამეულისთვის მედლები დააწესეს პრიზად...
საპატიო სტუმრებს შორის იყვნენ - ხობის საგანმანათლებლო რესურს-ცენტრის უფროსი ქალბატონი ბეატრისა რუსია, რესურსცენტრის მთავარი სპეციალისტი ნინო ბერაია და სოფლის რწმუნებული მარინე ლაგვილავა... ასევე პედაგოგები და მოსწავლეთა მშობლები...
ფედერაციის მხრიდან ყველაზე დიდი სიურპრიზი იყო ის, რომ ჩვენი ღონისძიება გააშუქა ფოთის ტელეკომპანია ,,მეცხრე ტალღამ", რამაც ბავშვებში დიდი სიხარული გამოიწვია...
კონკურსს მეთვალყურეობდნენ ნორჩი ,,საჭადრაკო ექსპერტები", ჩვენი სკოლის მოჭადრაკეები, რომლებიც მრავალი რეგიონული, რესპუბლიკური თუ საერთაშორისო ტურნირების პრიზიორები არიან:

1. თეიმურაზ კვიკვინია
2. ნიკა ბუკია
3. ანა კვიკვინია
4. მარიამ ლაგვილავა

მოსწავლეებმა ამოხსნეს 12 სხვადასხვა სირთულის საჭადრაკო ამოცანა... 
საბოლოოდ საპრიზო ადგილები ასე გადანაწილდა:
1. გიორგი კვიკვინია - 70 ქულა
2.ნიკოლოზ ყიფშიძე - 60 (საჭირო გახდა დამატებითი ამოცანის ამოხსნა, რათა გამოვლენილიყო მეორეადგილოსანი)
3.სუზანა გაბისონია - 60

ბიჭებში მესამე ადგილი წილად ხვდა საბა საბახტარაშვილს (59 ქულა).
გოგონებში მეორე იყო ირინა ბუკია (55 ქულა), მესამე კი - სოფო გვალია (48 ქულა)...
გარდა საპრიზო ადგილებზე გასული მოსწავლეებისა სიგელებით დაჯილდოვდნენ მონაწილეები: კოტე გაბრავა, ირაკლი კვიკვინია, თეკო ბუკია, მარი ჭითაშვილი, ლიზი ბიგვავა და თაკო ბუკია...
სიგელებით დაჯილდოვდნენ სპორტის მასწავლებლები - გრიშა ხიმშიაშვილი და მერაბი ქანდარია, რომლებიც წლების მანძილზე სამოყვარულო დონეზე ცდილობდნენ სკოლაში ჭადრაკის პოპულარიზაციას...

ვიდეო "მეცხრე ტალღის" მასალებიდან

30.03.2017

გამწვანების აქცია „საზოგადოებრივი პროკურატურის" პროექტის ფარგლებში


30 მარტს, ხობის მუნიციპალიტეტის პირველი მაისის
სამონასტრო კომპლექსის ეზოში,  „საზოგადოებრივი  პროკურატურის" პროექტის ფარგლებში გამწვანების აქცია მოეწყო. ფოთის რაიონული პროკურატურის პროკურორმა ალექსანდრე კოდუამ, პირველი მაისის საჯარო სკოლის უფროსკლასელებთან ერთად მარადმწვანე ხის ნერგები დარგო.
პროექტის მიზანი, პროკურატურის, როგორც დანაშაულის აღმკვეთისა და პრევენციის განმახორციელებელი სამართალდამცავი ორგანოს საქმიანობის  გამჭვირვალობის გაზრდა და სამართალდამცავი ორგანოების მიმართ საზოგადოების ნდობის ამაღლებაა.  
   ფოთის რაიონული პროკურატურა ხობის მუნიციპალიტეტში სხვადასხვა სახის ღონისძიებებს ეტაპობრივად განახორციელებს.

20.03.2017

„მართლმადიდებელი ეკლესია ევროკავშირის წევრ ქვეყნებში“

20 მარტს, პირველი მაისის ღვთისმშობლის ხარების მონასტერთან არსებულ წმინდა ცოტნე აღმსარებლის სახელობის სულიერ-საგანმანათლებლო ცენტრში „მართლმადიდებელი ეკლესია ევროკავშირის წევრ ქვეყნებში“ თემაზე საინფორმაციო ხასიათის შეხვედრა გაიმართა. შეხვედრას ფოთისა და ხობის მიტროპოლიტი, მეუფე გრიგოლი, ხობის მუნიციპალიტეტის გამგებელი გოჩა ქაჯაია და ფოთისა და ხობის ეპარქიის სამღვდელოება ესწრებოდა. მომხსენებელმა, წიგნის „მართლმადიდებელი ეკლესია ევროკავშირის წევრ ქვეყნებში“ რედაქტორმა პაატა გაჩეჩილაძემ, დამსწრე საზოგადოებასთან, ევროკავშირის წევრ ქვეყნებში მართლმადიდებელი ეკლესიის სამართლებრივ მდგომარეობაზე და სახელმწიფოსთან ურთიერთობის საკითხებზე ისაუბრა. მომხსენებლის განმარტებით ძალზე მნიშვნელოვანია ევროკავშირის წევრ ქვეყნებში რელიგიისა და რელიგიური გაერთიანებების (განსაკუთრებით მართლმადიდებელი ეკლესიის) მდგომარეობის შესახებ სწორი, მიუკერძოებელი ინფორმაციის მიწოდება როგორც სასულიერო პირების, ისე საზოგადოებისა და მოსახლეობის ფართო ფენებისათვის.

დაუნის სინდრომის საერთაშორისო დღისადმი მიძღვნილი ღონისძიება


21 მარტს, პირველი მაისის ახალგაზრდულ ცენტრში გაიმართა დაუნის სინდრომის საერთაშორისო დღისადმი მიძღვნილი ღონისძიება, სადაც საინიციატივო ჯგუფის წევრებმა პრეზენტაციების საშუალებით აუდიტორიას გააცნეს ინფორმაცია სინდრომთან დაკავშირებით და დაურიგეს საინფორმაციო ბროშურები. ასევე, გაიმართა ა/ორგანიზაცია ,, world vision საქართველოსა" და ა/ორგანიზაცია youth bank-ის მეირ ახალგაზრდული ცენტრისთვის გადმოცემული ინვენტარის პრეზენტაცია. პირველი მაისის საინიციატივო ჯგუფი მადლობას უდხის ა/ორგანიზაცია #Youthbank -ს და ა/ორგანიაზაცია #worldvisonსაქართველო-ს თანამშრომლობისთვის. უახლოეს დღებში #ხობისმუნიციპალიტეტისგამგეობის მიერ, ახალგაზრდული ცენტრისთვის გადმოცემული ინვენტარის განთავსება იგეგმება. ღონისძიებას, პირველი მაისის ე.შუშანიას სახელობის საჯარო სკოლის დირექტორი, სოფლის

რწმუნებული, მასწავლებლები და მოსწავლეები ესწრებოდნენ.

წყარო: https://www.facebook.com/პირველიმაისისსაინიციატივოჯგუფი